Manifestantenan na Corsou a causa destruccion den centro di Punda

WILLEMSTAD – Despues cu riotcommando na Corsou a logra core cu manifestantenan diaranson merdi for di Forti tirando traangas riba e publico, a nota e destruccion cu e manifestantenan a causa den centro di Punda. A kibra hopi potchi di mata, benta hopi cos abou, kibra un busto, cende un bari na candela y causa destruccion na varios vitrina. Tur esaki ta e loke a sosode, cu a cuminsa for d mainta ora cu trahadonan di Selikor a rabia y marcha bay di refineria te Punda y exigi retiro di gabinete Rhuggenaath. Rabia ta cu gobierno lo kita 12.5% di e salario di e trahadonan, riba orden di Hulanda pa cumpli asina cu e exigencia pa Corsou por haya fondo extra pa cubri e crisis di COVID-19 na Corsou.