Manifestantenan rabia na Corsou a protesta entrega di 12.5% di salario

WILLEMSTAD – Situacion na Corsou a bay fo’i man diaranson merdia momento cu trahadonan rabia di Selikor a yega Forti (Bestuurskantoor di Corsou) exigiendo pa papia cu prome minister Eugene Rhuggenaath. Nan ta contra pa entrega 12.5% di nan salario riba exigencia di Hulanda, pa Corsou haya prestamo (mescos cu na Aruba). Na nan yegada na Forti, cos a bay foi man unda cu polis mester a los un tiro pa trankilisa e situacion un poco, pero esaki no a logra e meta. 

MARCHA

E trahadonan a marcha for di post 5 di Refineria, bin Punda, blokeando trafico y caminda publico, pero polis a tolera esaki mirando e situaicon. Unabez na Forti, a kibra e heki y dren y benta e heki pa drenta Forti, y sigui pa paden. Na entrada di e edificio a bin topa cu Riot Commando, pero esey no a stop e trahadonan y a logra te hasta habri un bentana di e edificio y bay paden. Potretnan cortesia Telecuracao