Varios inval awe mainta relaciona cu caso di corupcion

ORANJESTAD - Awe mainta polis a tene varios inval relaciona cu un investigacion di landsrecherche relaciona cu supuesto corupcion. Asina vocero di ministerio publico Ann Angela a bisa noticiacla awe mainta. E inval a tuma lugar na varios residencia y negoshi. Den curso di dia OM lo bin cu mas detayes riba e caso aki. Entre e casnan y negoshi cu a drenta, por bisa cu uno ta di ex minister Oduber, Comerciante G.H, y un negoshi den Rumba straat. E cargonan di corupcion ta relaciona cu otorgamento di tereno di gobierno. No ta bisa si, ki periodo esaki ta.