Simar: Paz laboral den enseñansa no a dura largo

ORANJESTAD - E paz laboral den enseñansa no a dura largo. Diamars atardi Simar a alerta cu cos a bolbe pega. Segun e sindicato, despues di tur e intentonan di Minister President, Maestronan, Mayornan y SIMAR pa trece paz y trankilidad bek den enseñansa, lamentablemente esaki no a dura mucho. Asina e presidente Josephine Albertus a pone riba e facebook page di e sindicato. Contestando noticiacla.com, Albertus a bisa cu ta referi na e cambionan na Prins Bernhard School. SIMAR y Maestronan segun Albertus, a mustra bon boluntad y wanta cu tur accionan riba espera di cambionan di documento cu mester a sosode dor di Minister di Enseñansa. "Ta duel nos cu mester anuncia cu no solamente Minister di Enseñansa no a cumpli cue palabracionan aki, pero a bay mas leu di bolbe trece inkietud den enseñansa dor di no honra carta(decisionan) di Minister President", e anuncio ta sigui bisa. SIMAR kier a alerta cu e postura aki lo conduci na mas disgusto den enseñansa, cu lo por manifesta su mes den un forma negativo. A compronde cu diaranson mainta 8'or lo tin un conferencia di prensa na e scol, pa atende un que otro. Nota: E potret ta di archivo di reunion di Simar siman pasa.