NYT: Union Europeo pensando pa exclui Merca ora habri frontera otro siman

BRUSSELS — Paisnan miembro di Union Europeo ta preparando un lista di paisnan cu por bishita nan, ora cu frontera habri bek 1 di juli proximo. Pero segun dos lista preliminar cu e corant Mericano New York Times tin, Merca no ta aparece riba e lista ey. Esey pasobra Merca no a logra controla e brote di e coronavirus COVID-19 ainda. E lista official no a keda publica ainda. Desde mitar di maart ultimo, Merca y resto di mundo a keda prohibi pa biaha pa Union Europeo, cu algun excepcion, di cual mayoria ta buelonan di repatriacion. Un decision final riba reapertura di frontera, ta wordo spera pa comienso di otro siman, prome cu e frontera habri 1 di juli. 

ECONOMIA

Prohibicion pa biaheronan Mericano di drenta Union Europeo, por tin un impacto significativo economico, cultural y geopolitico. Esaki pasobra miyones di Mericano ta bishita Europa tur zomer. Lesa e articulo original AKI.