Centenares di hende den laman hunto como tradicion di aña nobo

ORANJESTAD - Un grupo di entre 900 pa 1000 hende a drenta laman na altura di Moomba Beach riba prome dia di aña, como un tradicion pa un compania comercial. E idea ta cu e compania ta provee e 'muts' oranjo, y cu e personanan mester drenta laman hunto y landa un cierto distancia. Na Aruba e ta un bendicion agradabel, pasobra e temperatura di e awa ta normal. Pero e tradicion mes ta uno hulandes y na Hulanda esaki ta un reto mirando e temperatura frieuw cu tin eynan. Riba e foto por mira cuanto hende a drenta laman parew pa bira parti di e tradicion. Foto cortesia FreshFM.