Debi na COVID-19, lo no por celebra Dera Gai cu fiesta publico

ORANJESTAD – Contrario na añanan anterior, e aña aki riba dia di San Juan (24 di juni) lo no tin celebracion publico di Dera Gai. Asina minister di Cultura Xiomara Maduro a bisa durante e conferencia di prensa di gobierno. Esaki debi na e reglanan di COVID-19, cu ta prohibi aglomeracion di hende. Y e evento aki ta netamente fomenta esaki. Pues e aña aki por celebra e fecha aki pero solamente den sabana, esta na cas. E mandatario a ripiti e peticion di cuerpo di bombero, pa no cende candela, manera ta custumber. Esaki kier men tambe cu esey ta nifica cu no por cende tire na candela tampoco. Tur aña Aruba ta celebra e fecha aki como un fiesta cultural unda cu ta balia, goza y ta ‘dera’ un gai, simbolicamente. Esaki ta wordo celebra semper na grandi rond Aruba publicamente. Algo cu pues e aña aki no ta sosode.