DIMP A entrega 1400 plachi di number via drive thru durante weekend

ORANJESTAD – E fin di siman aki departamento di impuesto a entrega 1400 plachi di number di auto den forma di ‘drive thru’. Asina director di e departamento di impuesto (DIMP) Luenne Gomez a confirma pa noticiacla.com. E intencion tabata pa entrega plachi di number entre 6001 y 10.000. Mester clarifica cu e cantidad por zona ‘poco’, pero fuera di e entrega aki, ya hopi number a wordo entrega durante otro sessionan cu a tuma lugar caba. Pues, esnan cu ainda no a busca esaki, por a bay haci esaki. Pero e cantidad entrega na tur, ta mucho mas cu e cantidad entrega e weekend aki. E aña aki a crea e sistema aki den e ultimo fase di entrega, debi na e crisis di COVID-19. A haci varios entrega entre companianan p.e. unda cu a tene sessionan special pa e grupo aki. Pa regla e asunto miho conforme e situacion di COVID-19, a introduci e sistema di drive thru, cu pa mayoria cu a experencia esaki for di weekend anterior caba, a cay masha na agrado.