Bikker: Mediation relaciona cu retiro di minister Lopez Tromp a inicia

ORANJESTAD – Aunke den poco palabra, Andin Bikker como minister di partido POR, a confirma pa noticiacla.com dialuna mainta cu enberdad e proceso di mediation pa cu e caso di minister Marisol Lopez Tromp, a inicia. “Mas informacion mi no por duna” e mandatario a bisa. No a haya reaccion ainda di e minister concerni, si e mes ta participe na esaki of su representante. E mandatario en cuestion, ta sigui su trabou.

E EXIGENCIA PA RETIRO

Tabata 2 siman y mei pasa riba un diabierna mainta cu e partido POR y su lider interino Andin Bikker a anuncia cu e partido ta exigi retiro di su minister pa motibonan di incumplimento y violacion di forma di proceder di partido. Tres dia despues e mandatario en cuestion a reacciona extensamente riba e tema y a sigura cu e no ta retira como minister. Un siman pasa, e mandatario a bisa cu ainda e ta wardando e proceso di mediation y e lo sigui traha normalmente mientrastanto.