Hulanda porfin ta raporta 0 caso di morto di COVID-19

Hulanda porfin ta raporta 0 caso di morto di COVID-19

Posted on 06/22/2020 9:18 am AST | Updated on 06/22/2020 9:18 am AST

AMSTERDAM – Pa prome biaha desde maart, Hulanda ta raporta 0 morto di COVID-19. E cantidad di morto ta keda na   6090 segun RIVM. Ayera diadomingo ainda a raporta 1 morto. Tin si 2 persona cu a keda interna. Cu esaki tin 11.851 persona interna. Na tur, Hulanda tin 49.658 persona cu a haya e virus. Tin tambe 69 caso nobo cu a bin acerca.  

  • Ministernan ta reclama: Reforma den un luna di tempo ta mucho cortico

    Ministernan ta reclama: Reforma den un luna di tempo ta mucho cortico

    DEN HAAG – E tempo cu cual   Aruba, Curaçao y Sint-Maarten mester reforma segun Hulanda, a cambio di e fiansa ta mucho halto. Ministernan plenipotenciario di e islanan diabierna na vocifera nan mes despues di e conseho di Reino diabierna merdia (ora di Hulanda).  Nan ta mustra cu pa introduci reforma den un luna di tempo no ta realistico. 

  • Reunion di RMR pa aproba fiansa pa Aruba ta confrontando reto

    Reunion di RMR pa aproba fiansa pa Aruba ta confrontando reto

    ORANJESTAD – Tin posibilidad cu e reunion diabierna awor den Conseho di Minister di Reino Hulandes (RMR) no ta continua manera planea. Of, cu por tin cambio den e agenda. Minister plenipotenciario pa Aruba na Hulanda Guilfred Besaril por a solamente confirma (na noticiacla.com) cu RMR no ta kedando cla cu e documentonan necesario. “Pa nos hiba e discussion mas a leu mester tin algo preto riba blanco”, Besaril a bisa. Segun e mandatario, un punto di agenda ta mara na cierto reglanan. “E principal cu tur documento mester keda entrega na tempo pa tur partido por analisa y hiba e discussion necesario prome cu e bini den e RMR” Besaril a bisa e portal aki. Aki ta trata e documentonan cu ta referi na e condicionan nobo pa Aruba haya e fiansa. 

  • Condicion pa Aruba ricibi proximo fiansa ta hopi mas drastico

    Condicion pa Aruba ricibi proximo fiansa ta hopi mas drastico

    ORANJESTAD / DEN HAAG – Hulanda (lesa: Conseho di Minister di Reino) ta dicidi diabierna awor 3 di juli riba e proximo fiansa pa e.o. Aruba y e condicionan cu ta bay mara na dje. Noticiacla.com ta reproduci e articulo aki cu a keda publica recientemente caba, pa re-itera e importancia di e siman aki. E articulo tabata mustra riba e hecho cu ‘mientras cu e ta wardando riba Aruba pa duna su ‘input’ kico e condicionan y/ of medidanan pa e proximo ‘tranche’ di fianza mester bira, Hulanda mes tabata preparando su propio lista di condicion cu Aruba mester cumpli cu ne si e kier haya e siguiente suma di placa como fiansa (tranche)’. For di ministerio di secretario di estado Raymond Knops, Noticiacla.com a compronde mas prome cu e condicionan e biaha aki lo ta mucho mas drastico cu esunan anteriormente impone.   

  • Prominentenan ta apela na Mark Rutte pa compasion pa nos islanan

    Prominentenan ta apela na Mark Rutte pa compasion pa nos islanan

    DEN HAAG – Un grupo di Hulandes ‘prominente’ incluyendo algun artista cu tin vinculo cu islanan ABC, a haci peticion na gobierno Hulandes pa tene compasion cu nos relaciona cu e situacion di crisis di COVID-19. Den un carta dirigi na Prome minister Mark Rutte, nan ta repasa e situacion cu a surgi awor, y con e islanan ta para. Ademas ta repasa e ayudo cu Hulanda a duna, y mas importante, lo sigui duna. De hecho, e apelacion ta mas dirigi riba e siguiente ayudo planea pa keda anuncia diabierna awor durante e ultimo RMR prome cu reces. 

  • Hulanda ta preocupa cu e disturbionan na Corsou

    Hulanda ta  preocupa cu e disturbionan na Corsou

    DEN HAAG – Prome minister Hulandes Mark Rutte ta preocupa cu e disturbionan na Corsou. Asina el a bisa den e conferencia di prensa despues di reunion di conseho di minister diabierna. E ta bisa tambe mesora si cu e no ta na altura kico e motibonan ta pa e disturbionan. Segun Rutte, e ta conciente cu e gobiernonan di Corsou y e otro islanan ta bou di presion enorme. A compara e situacion di prestamo cu e ayudo di Union Europeo na Italia y Spaña.” Nos kier yuda, pero ta na su lugar pa pidi a cambio pa bin cu reforma. Nos no ta pidiendo pa corta gasto, sino pa reforma. E mercado laboral, e sistema di pensioen, nv di gobierno, cobransa di gobierno. Mi sa cu esaki politicamente ta algo sensitivo” Rutte a sigui bisa. “Atrobe, nos no ta pidi pa kibra e economia cu cortamento di gasto, sino pa reforma. Riba termino largo esaki por crea te hasta trabou”. 

  • Schiphol no ta logrando distancia social debi na falta di espacio

    Schiphol no ta logrando distancia social debi na falta di espacio

    SCHIPHOL – Schiphol no ta bay tuma extra medida pa ofrece pasaheronan wardando, mas espacio. Esaki a base di un potret cu a aparece riba twitter di un persona, unda cu ta mira cu pasaheronan tabata hopi pega riba otro. Segun un vocero di e aeropuerto principal di Hulanda, tin lugarnan na e aeropuerto unda cu no tin espacio pa tene e regla di 1 meter y mei di distancia social relaciona cu COVID-19. Segun e persona ey, pa seguridad ta imposibel pa crea mas fila entre fila. “E or abo ta bay haya fila di algun 100 meter, ten a e checkin of mas largo’. Algo cu no ta logico. Potret cortesia di Sander S. 

  • Powered by SETAR