Croeze: HOH por ta completamente operacional bek aki un siman

ORANJESTAD – Segun e best case scenario, Horacio Oduber Hospital lo ta completamente operacional dentro di un siman atrobe. Asina miembro di hunta di directiva di e hospital, Gregory Croez a bisa durante e briefing di COVID-19. E worst case secenario ta cu e lo dura mas largo obviamente. Ta trahando duro pa haci limpiesa di tur e areanan afecta, di e candela grandi cu tabatin diamars ultimo cu a causa un evacuacion completo di e hospital. Un punto positivo ta cu for di 11’or di diabierna anochi (awe), e servicio di Spoed Eisend Hulp lo ta operacional atrobe, pues no mester acudi solamente na IMSAN manera cu a anuncia anteriormente. Tambe ta trahando pa keda cla cu e piso di mucha pa asina alivia e cantidad di pashentnan riba piso, cu aworaki ta ubica practicamente riba 2 piso so. Cambernan cu tin 2 persona awor tin 3 y esnan cu tabatin 1, tin 2. Tin te hasta hende riba gang. Tambe ainda no por permiti bishita, sino solamente pa pashent cu ta hopi malo y mucha cu mester di nan mayornan.