Gobierno a extende ayudo di FASE cu tres luna mas

ORANJESTAD – Minister Glenbert Croes (Labor) a anuncia diabierna durante su conferencia di prensa, cu gobierno a bay di acuerdo pa prolonga proyecto di Fondo di Asistencia Social Ecnomico (FASE) cu tres luna mas, esta juli, augustus y September 2020. Esaki kier men cu esnan cu no tin entrada, por sea sigui haya esaki si nan a registra caba, of si nan no a haye ainda, registra ainda. A mustra cu te awor a yuda mas cu 10 mil persona caba. 

DETAYES DI FASE

E mandatario a bisa tambe cu tin 866 persona ‘nobo’ cu a ricibi e ayudo, mientras cu 1015 a ripiti esaki, pues a haye mas cu un biaha. Tambe a anuncia cu tin 400 cu a bay di loonsubsidie pa FASE. Y entre esnan cu a ricibi FASE, total di 250 a ricibi esaki na placa efectivo, pasobra nan no tin cuenta di banco. 

DISCREPANCIA

A menciona tambe e discrepancianan cu ta sosode, pa cual asina mes e minister ta haya keho. Esaki por sosode pasobra porta un persona a yena e informacion robez, cifra di cuenta di banco robes, nomber of algo cu no ta cuadra. Tur esaki ta trece sea tardansa of confusion pa esnan cu tin cu paga e placa. Ademas a percura pa fortifica e ekipo cu ta atende cu FASE, pa asina cosnan cana mas liher tambe.