Sindicatonan na gobierno: Elimina articulo 7 y duna bek despues loke entrega

ORANJESTAD – Sindicatonan SADA, SPA y SIMAR kier gobierno elimina articulo 7 di e concepto di versoberings wet, y si no por ‘paga bek’ despues loke ta bay entrega awor, kier e bek den dia liber. Mientras cu nan no a keda cla ainda cu gobierno, e sindicatonan mustra di ta contento con e reunion cu conseho di minister a bay e siman aki. A keda di topa aki 2 siman posiblemente unda gobierno tin cu informa e sindicatonan riba nan peticion.   

DUNA BEK DEN DIA 

Segun vocero di e tres sindicatonan, Eduard Maduro di SADA, ta deliberando riba e posibildad di duna bek loke a keda of ta keda entrega awor, ora cu cos ‘drecha’. Si esaki no por, ta sugeri pa haci un ‘inkorting’ di trabou cu 5%, y calculacion di e sindicatonan ta indica cu esaki ta traduci den un dia liber pa luna. Y na tur, teniendo na cuenta cu ta entregando 12.6%, 5% di salario y e 7.6% di vacantie uitkering, hunto ta traduci na 28 dia liber pa e trahado. Gobierno a keda di evalua esaki y bolbe cu un contesta. Despues, sindicatonan lo dicidi si nan ta bay di acuerdo of no.