Gobierno Venezolano a sigura Merca cu ex ehecutivonan deteni di CITGO ta bon

CARACAS – Gobierno di Venezuela a mustra un video y potret di e 6 ex ehecutivonan di CITGO, pa proba na Merca cu nan ta den bon salud y ta respetando nan derecho humano. Esaki a bin un dia despues cu Merca a exigi libertad inmediato di e 6 personanan aki. Merca lo a denuncia e peliger mortal cu e 6 personanan aki ta coiendo. E canciller Venezolano Jorge Arreaza a sigura cu a tuma tur medida pa evita e contagio di coronavirus. E 6 personanan ta Gustavo Cárdenas, José Ángel Pereira, Jorge Toledo, Tomeu Vadell, Alirio Zambrano y José Luis Zambrano. Na 2017 nan a keda deteni ora cu a acusa nan di fraude, ora cu nan kier a refinancia e debe di CITGO segun condicion desfaborabel pa e pais, segun gobierno Venezolano.  Potret cortesia NTN24.