Tur cos ta cla pa sorteo di rifa di Rotary Club Aruba diasabra

ORANJESTAD - E miembro nan di Rotary Club Aruba ta cla cu tur preparacion pa e sorteo di rifa cual lo tuma lugar diasabra awor, 20 di juni 2020. Pa evita aglomeracion e sorteo aki lo tuma lugar den un manera “live” via nan Facebook page. E sorteo di rifa lo ta pa 5:00PM den presencia di un notario. Benta di rifa a cuminsa desde januari caba. Y por a mira miembronan di Rotary Club Aruba durante parada nan di Carnaval promoviendo esaki grandemente. Door di e iniciativa nan aki e benta di e rifa a bai toch positivo. 

Ainda nan ta ricibi pregunta na unda por cumpra rifa. Esnan cu no a logra cumpra nan ticket ainda, por hasi esaki cerca miembronan di Rotary Club Aruba of pasa na Boolchand’s den Havenstraat. Ademas,Rotary Club Aruba lo tin un lugar destina pa bende ticket pa e rifa ariba e parking lot di Alhambra Shopping Mall riba diasabra 20 di juni 2020. Desde 12’or di merdia nos lo ta presente pa bende rifa. Naturalmente teniendo na cuenta tur precaucion pa cu distanciamento social.

Pa solamente Afl. 25,- bo por gana un di e 12 tremendo premionan:

1: 2020 Kia Seltos SUV

2: 9 anochi pa 4 persona na Orlando, ticket Southwest Oct 2020 – Maduro Travel – voucher na balor di e premio.

3: 2 Tickets Aruba-Amsterdam-Aruba cu KLM – valido pa 1 aña.

4: TCL 65” Smart TV di AMC Unicon

5: Apple iPhone 11, 64GB unlocked di Boolchand’s

6: Afl. 1.500,- Gift Certificate di Kooyman

7: Afl. 2.500,- Cannondale mountain bike di FX Sports

8: Afl. 1.500,- Gift Certificate di Boolchand’s 

9: Afl. 1.000,- Gift Certificate di Ling&Sons

10: Weekend stay 2 dia pa 2 persona na Divi Resorts Aruba

11: TCL Inverter Airco 12000BTU di AMC Unicon

12: Afl. 750,- Gift Certificate di Pearl Gems

Presidente América Barrios kier a gradici pueblo di Aruba y nos colaboradornan pa e sosten continuo, hasta den momentonan mas dificil. Esaki realmente ta demostra e confiansa cu comunidad tin den e organisacion y ta duna tur miembro e energia pa sigui hasi e trabou aki. E rifa ta un di e manera nan cu Rotary Club Aruba ta recauda fondo pa asina por brinda ayudo financiero na diferente organisacion nan aki na Aruba. Den e momemento nan dificil cu nos isla ta pasando aden ta importante pa por brinda e ayudo aki na organisacionan cu mas mester di dje pa asina yuda nos comunidad surpasa esaki positivamente. 

Pa locual ta trata e feria conoci como Fiesta Rotaria, esaki, lamentablemente a ser posponi pa otro aña 2021.