Nathan Samuel ta prome baby di aña

ORANJESTAD - Aruba a sera conoci cu su prome baby di aña casi dos ora despues cu aña a bolter. Pa 1:54am Nathan Samuel Chacon a mira luz, y a haci su mama Sandra hopi contento. E baby ta pisa 3280 gram y ta midi59 cm di largura. Segun e mama, esaki ta un bendicion di Dios pasobra inicialmente e no a kere cu e lo por a haya mas yiu. E nomber di e baby, como tal nifica regalo di Dios. Nathan ta bira e di dos yiu di sra Chacon.