Candela na Hospital a causa cu mester a evacua personal y pashent

ORANJESTAD – Un candela cu a cuminsa diamars atardi laat den dak di un edificio na hospital Horacio Oduber, a keda domina lihe pa cuerpo di bombero. No ta conoci ainda kico exacto a causa e candela, aunke tin indicacion cu esaki por ta debi na trabou di construccion, cu ta tumando lugar riba e parti di e edificio ey. Den pasado caba, ora cu tabata traha riba otro parti di dak, tambe a surgi candela. Loke tabata diferente ta cu debi na e huma cu a penetra den e edificio unda cu tin hende, mester a evacua tanto trahado como pashent interna den hospital. Pa un bon rato esaki a causa cu e personal y pashentnan mester a keda staciona pafo, te ora cu por a remedia e situacion. Potretnan cortesia 24ora.com