Gobierno y SPCOA a firma pa termina ‘intentieverklaring’

ORANJESTAD – Diamars atardi, gobierno y president di e fundacion di scolnan protestant SPCOA (Stichting Protestand Christelijk Onderwijs Aruba) a firma cu ta termina e ‘intentieverklaring’ pa fuseer varios scol. Den un documento cu noticiacla.com a ricibi un rato pasa como primicia, ta mustra cu conform un cantidad di motibo, partidonan a dicidi cu no ta sigui cu e ‘intentieverklaring’ pa fuseer un cantidad di scol. Cu esaki tambe, ta pone fin na e intencion aki y como tal, gobierno a mustra sindicatonan cu esaki ta e loke cu nan tabata kier, preto riba blanco. 

ACCION DIARANSON

Tabatin un accion planea pa docentenan, debi cu entre otro no tabatin un claridad riba e intentieverklaring y cu esaki ainda tabata vigente. No ta conoci cu awor cu esaki ta un documento ‘preto riba blanco’, cu esaki ta suficiente y cu tin necesidad di un accion ainda of marcha manera cu e sindicato tabata planea pa haci. Lesa e documento AKI.