Maduro: Berdad cu ora cu scohe pa ta frontliners, mester para pe

ORANJESTAD – E hecho cu presidente di sindicato di trahadonan di e.o. hospital ABV Gina Maduro a pone riba Facebook, cu nan ta ‘entrega nan bida’ den e caso di crisis di coronavirus, a haya basta critica. Esaki pasobra hopi ta considera cu nan (ABV) a scohe pa e funcion y ta wordo paga pa ta den e funcion ey. Pues no mester critica algo di un funcion cu nan mes a scohe pe y bisa cu ta 'bida ta entrega'. “Esey ta corecto” Maduro a admiti na noticiacla.com, y enberdad esey ta un parti di dje. “E ta asina. It is what it is. E ta encera esey” Maduro a sigui bisa. Problema ta, sinembargo, ora cu bo cuminsa ataca personalmente. Y esey ta loke cu SPA a haci. 

PAKICO TA SIGUI RECLAMA ANTO

Riba pregunta di noticiacla.com cu si nan ta admiti cu e ta nan trabou y cu no mester reclama algo asina, pakico ta sigui bisa cu ‘nan ta duna nan bida’. Maduro a clarifica e ora, cu e problema (e critica) a bin ora cu e sindicato SPA a cuminsa ataca personalmente. Esaki sin cu ABV, segun Maduro, a sali afo publicamente pa bisa algo riba e tema. Ora cu a confronta Maduro cu porta no a bisa nada directo, pero cu ora cu bo bay afo riba Facebook, e ta bira algo publico, Maduro a reacciona, bisando cu esey ta berdad pero cu no a menciona nomber di SPA. “Bo no por asumi cosnan. Y bo ta bay walk out riba dje tambe. Bo ta full fout bezig” Maduro a sigui bisa.  

CAO

Segun Maduro, ora cu tin CAO, no por djis yega cambia cos y mester sinta na mesa negosha. Y den caso di SPA, nan situacion y condicion ta diferente. Si nan kier beneficio of situacion mescos cu ABV, mester cambia nan structura, sindicato y wak si nan ta logra nan meta.