Rector di Colegio ta exigi rectificacion di presidente di SMOA

ORANJESTAD – Rector saliente di Colegio Arubano Michelle van L. ta exigi rectificacion di presidente di SMOA Robert C., y e tin te diabierna pa haci tal. Cu esaki por mira cu e situacion na Colegio Arubano ta sigui hopi turbulento. E carta (cu ta circulando riba rednan social for di dialuna), ta contene hopi asunto cu lo a sosode na Colegio y cu e rector saliente (el a entrega su retiro pero ta den funcion te fin di juli 2020:red). Mientras cu e ta un asunto ‘interno’ di scol, loke ta haci e caso intersante pa media, ta cu e rector ta exigi pa e rectificacion aki sosode publicamente. 

E CARTA

Resumiendo e carta, van Loon ta cuestiona ‘mentiranan’ di su funcionamento cu e presidente lo ta lansando pafo, atachando e imagen di e rector. En corto, e presidente lo ta acusa e rector di incumplimento di varios asunto di scol. Un pa un, e rector ta repasa e supuesto ‘mentiranan’, y na final ta duna e presidente te cu diabierna awor 19 di juni 2020 pa rectifica publicamente. Esaki pasobra e ta considera e actuacion di e presidente, como ‘reproche y calumnia’