Gobierno no ta descarta paso legal contra accionan sin base

ORANJESTAD – No ta descarta cu gobierno lo entama un caso sumario contra esnan cu ta den accion, sin cu tin base pa esaki. Asina prome minister Evelyn Wever Croes a bisa noticiacla.com durante e conferencia di prensa semanal di gobierno. Entre esnan cu e ta referi na dje ta e sindicato di polis SPA cu a tene un accion diasabra anochi, cu segun Wever, tabata sin base. Si nan tin mas accion, esaki lo por conduci den un caso sumario. Mes momento a referi na e accionan cu docentenan a inicia e siman aki. Mientras cu Wever no ta na altura di mas accion fuera di esunan di dialuna, no ta descarta cu si tin mas accion, cu esaki por wordo confronta cu accionan legal den corte.