Encuesta di noticiacla riba radio emisoranan na Aruba ta dunando informacion hopi interesante

ORANJESTAD – Diasabra ultimo noticiacla.com a inicia un otro encuesta, y e biaha aki pa conoce e cultura di radio aki na Aruba. Nos isla tin un cantidad grandi di radio emisora (19) cu ta activo. Y ta bon pa sa kico e comunidad cu ta lesa noticiacla.com, ta pensa di henter e proceso aki. E resultado inicial tabata hopi bon e interesante. Por ehempel, por saca afo, ki ora hende ta gusta scucha radio, pakico nan ta scucha radio, con largo, cua radio nan ta scucha y mas. E encuesta ta continua activo te cu diamars, ora cu e cumpli 72 ora di ta ‘online’. E ta tuma apenas 2 minuut pa completa, y ta manera semper, completamente anonimo. E encuesta lo keda online pa 72 ora pues, y despues lo publica e resultado den un articulo riba noticiacla.com. Pa bo participa, please click AKI.