Asesinato na aeropuerto Hato na Corsou

WILLEMSTAD - Corsou a conoce un caso serio di asesinato na aeropuerto Hato diamars anochi ora cu segun informacionan ricibi, miembronan di dos diferente gang, lo a los bala riba otro cu resultado fatal. Tin como 6 pa 8 herido di cual algun tabata turistanan cu a caba yega cu buelo di Air Berlin for di Alemania. Tin informacion cu lo a usa varios arma automatico tambe. Dos  persona lo no tabata duna senjal di bida. Informacionan no confirma ta papia di un detencion, varios polis den e area, y cu te hasta cu un turista a resulta herida den e tiroteo aki. No a identifica e persona(nan) cu a fayece y no por a saca afo si ta trata di turista of miembronan di e gang mes. Presidente di Camara di Comercio Billy Jonkheer a reacciona bisando cu e 'loke a pasa na aeropuerto awe nochi, cu bashamento di bala ta un desaster pa sector cu ta emplea 1000 hende riba nos pais'. Ademas Jonkheer ta bisa cu 'e cos aki lo tin un impacto devastador pa e sector turistico'. Foto ta cortesia Yves Cooper.