Oduber: Mayoria hende cu bin Aruba mester di seguro obligatorio pa COVID-19

ORANJESTAD – Cu excepcion di studiantenan cu ta bolbe Aruba y pasaheronan biniendo di Bonaire y Corsou, mayoria hende cu no ta biba na Aruba, mester cumpra seguro obligatorio pa COVID-19 entrante 1 di juli proximo. Esey ta e fecha cu ta habri pa Europa y Canada y otro parti di Caribe excepto di Haiti y Republica Dominicano. Asina minister Dangui Oduber a confirma durante un conferencia di prensa na aeropuerto riba e reapertura di aeropuerto pa otro siman. Studiantenan sinembargo no ta obliga y por bin sin esaki. E ta un di e preguntanan mas haci e dianan aki. Otro excepcion ta pasaheronan cu ta bin di Corsou y Bonaire. Nan no mester paga e seguro. De hecho esnan cu bin di Corsou y Bonaire tampoco mester bay den cuarentena obligatorio.