Aeropuerto ta cla pa ricibi su prome biaheronan dialuna awor

ORANJESTAD – Aeropuerto di Aruba ta cla pa ricibi bishitantenan. Asina director di aeropuerto Joost Mijes a bisa diabierna atardi. Tur cos cu por y mester a haci, ta haci. Ta warda awor pa e biahero yega pa nan por wordo atendi corectamente. A traha un video unda cu ta demonstra exactamente kico e experiencia di e ‘normal nobo’ lo ta entrante otro siman. A sigura e portal aki Noticiacla.com, cu tur tin suficiente personal pa atende cu tur hende, y mirando cu e fluho di pasahero no ta mucho grandi pa e prome luna, tin tur siguransa cu por atende e situacion sin problema.