Serie di Webinar gratis pa surpasa miedo durante COVID-19

ORANJESTAD - Un webinar series, yama Beyond Fear Series, sigur lo ta relevante pa hopi persona door di e tema : con pa  surpasa bo miedo. E pandemia di Corona a proba sigur cu tin hopi factor cu no ta den nos man, cu cosnan drastico por sosode, sin cu nos ta bon prepara. Hopi miedo a cuminsa domina, pasobra :

•        Kico lo bay pasa awor?  (miedo di lo desconoci);

•        Aunke mi no ta enamora, mi ta keda cu mi partner? (miedo di cambio)

•        Mi ta bay perde mi trabou? (miedo di perde entrada)

•        Mi mayornan, cu ta hende di edad, ta bay bira malo y muri? (miedo pa bo sernan keri)

Aki ta sigui descubrimento cu hopi persona no ta realisa : hopi di e miedo cu bo ta pensa cu a bin dor di e Covid-19, en realidad ya tabata existi PROMER cu e pandemia. Covid-19 a djis percura pa e miedo aparece! 

Otro punto ta, cu no tur miedo ta ‘malo’. Cierto miedo ta protega nos y cuida nos tambe. 

Pero, ora miedo ta stop bo pa sigui dlianti, crea sentimento manera ansiedad, depresion, stress, y cu ta sroba  bo di cambia bo bida pa mihor, e ta di sumo importancia pa haci un evaluacion con pa surpasa esaki. Meta principal di e serie aki ta hustamente siñabo anda cu esakinan.

Beyond Fear Series, ta duna live via Zoom webinar y ta completamenta gratis. E serienan ta cuminsa diamars 16 di juni ta termina diasabra 27 di juni. Orario ta 7 ‘or di anochi y cada session ta dura 40 minuut. Durante e sesionan, bo lo ricibi :

-        pregunta pa bira mas cla pa bo mes

-        ehercicio pa kita bo miedo

-        habilidad pa desaroya curashi y confiansa

Un team increible di expertonan, sumamente pasiona y dedica, hunto cu Rachelle Phillip Sluer como host, lo yuda y sostene bo riba bo caminda di cambio pa mihor. Cada dia, lo enfoca riba un topico di importancia, pa asina cu ayudo di herment y tecnica, cu e experto lo comparti, bo por libera bo mes . E topiconan cu lo trata ta encera, ta miedo den : 

-        hende muher

-        hende homber

-        relacion

-        mucha & teens

-        millennials

-        negoshi

     …y hopi mas!

E lineup di e expertonan invita pa e Beyond Fear Series ta:

*Gardinia Kock

*Geraldine Alexander 

*Gea Sougé

*Rocio Burgos 

*Dave Martinus

*Kirti Daryanani

*Angelo Brete

*Mechtild de Wit

…y mas! 

Tur di nan a experiencia miedo riba un nivel of otro, pero nan e surpasa esaki y ta realmente fantastico, cu asina nan ta yuda nan studiantenan, cliente y mas persona. Nos expertonan invita lo yuda y sostene abo tambe, pasobra nan kier pa bo bira exitoso door di :

-        descubri for di unda e miedo ta bin;

-        bira mas conciente di kico miedo ta stop bo di haci;

-        tuma e siguente pasonan pa yega bo soño y deseonan;

-        experiencia felicidad den bida di berdad!

Finalmente, laga e miedo cu no ta sirbibo los, pa asina cumisa biba e mihor version di bo bida.

Pa participa of pa haya mas informacion di Beyond Fear Series, fabor subi nos website www.beyondfearseries.com of manda un email pa rachelle@beyondfearseries.com. Resgitracion ta gratis!