Trahadonan di Serlimar a bay den accion awe mainta

ORANJESTAD – Trahadonan di Serlimar Sui Generis diabierna mainta a bay den accion pa 2 ora. Esaki pa demonstra nan preocupacion pa cu e situacion na e compania, mas bien e incertidumbrenan cu tin pa cu e compania. Un reunion cu tabata programa un dia prome unda cu segun sindicato SEPPA, (sindicato cu ta representa e trahadonan), e minister en cuestion (Marisol Lopez Tromp:red) lo no a presenta. Algo cu a molestia e sindicato y e trahadonan hopi. Tabata necesario pa un aclariacion di parti di gobierno, riba contractonan y futuro di e trahadonan. A dicidi e ora pa un accion di 2 ora pa haya atencion di esnan concerni. A compronde di e sindicato cu si no haya atencion di gobierno, lo por escala e accionan. Kico esaki ta nifica, no ta conoci. A busca contacto cu e mandatario encarga, pero esaki no tabata exitoso ainda.