NoticiaCla.com ta lansa servicio nobo entrante awe

ORANJESTAD – Despues di ta operacional 6 luna, NoticiaCla.com ta lansa otro servicio pa su lectornan fiel. Entrante 1 di januari 2015, tin posibilidad di ricibi bo noticia di ultimo ora via bo email. Esaki ta nifica cu ora cu algo di ultimo ora drenta, y si bo email ta registra na NoticiaCla.com, automaticamente bo ta haya notificacion di e noticia aki. E mail ta contene parti di e noticia, y e link pa e noticia mes. Di e forma ey, bo ta keda miho informa y mas importante, cu un velocidad mas lihe. For di awe caba bo por cuminsa registra bo email, pa ora cu 1 januari 2015 yega, bo ta cla caba. No lubida di primi e button di 'subscribe', pa e website registra bo email. Wak aki kico bo tin cu haci pa por registra bo email. 

Antes bo mester a subi e website pa pone bo mes altanto di e notica. Riba dje esey no ta problema pasobra e website su structura ta asina hinca den otro cu mesora bo ta mira e noticia(nan) mas importante di e momento y dia. Pero cu e servicio nobo aki, bo ta haya bo noticia aun mas liher, y completamente pornada. 

Pa bo forma parti di e grupo aki, bo tin cu unicamente inscribi, yenando bo email riba e homepage di e website, y cla bo ta. Asina cu un noticia importante drenta, bo ta ricibi esaki via bo email awor. Mas facil no por ta. NoticiaCla.com kier a desea su lectornan fiel un feliz fin di aña y gradici nan sosten pa e periodo cortico den cual bo a haci nos website uno mas lesa y comenta di Aruba. Bon Aña 2015.