Croes: Posibel desempleo na Aruba durante COVID-19 ta 77%

ORANJESTAD – Un presentacion di cifra riba desempleo na Aruba di lider di fraccion di MEP Rocco Tjon a causa consternacion den comunidad. Esaki pasobra segun e presentacion, ta papia cu na Aruba tin 77% di desempleo actualmente. Alarmante si considera cu a cera aña 2019 cu 5.1% di desempleo. E mandatario di labor Glenbert Croes a bisa den forma sarcastico (admitiendo cu e ta usa e connotacion ey) cu e ta contento cu esaki a sosode, pa asina hendenan compronde kico ta e seriedad di e situacion.”En realidad, mi no ta contento” e mandatario a bisa. “E 77% ta refleha con grave e problema ta na Aruba. E cantidad di hendenan sin trabou” e mandatario ta bisa. Y e cifranan di CBS y DAO ta confirma esaki.  

DESEMPLEA INFORMALMENTE 

Segun Croes, enberdad porta e cifra di 77% no ta refleha cu e persona ta desemplea formalmente, pero si cu e ta actualmente sin trabou. no formalmente desemplea, pero sin trabou. Oficialmente p.e. na Merca, un persona desemplea, ta un persona cu no tin trabou, y cu activamente a busca un trabou durante 4 siman y ta apto pa traha. Segun e mandatario, si no ta danki na FASE, Loonsubsidie y otro asistencianan, e hendenan ey lo no a sobrevivi.

DIFERENCIA DI CIFRA

E mandatario di labor a admiti cu loke ta añadi na e confusion di e cifra, ta cu entre Directie Arbeid en Onderzoek (DAO) y Centraal Bureau Statistiek (CBS), tin un discrepancia. DAO por ehempel tin un gestimate di 77%, mientras cu CBS ta usa un average di 77% pa hende homber y 69.6% pa hende muher, cu ta un average di 73.1% . “Hecho ta cu e ta refleha un cifra gravisimo cu nos tin na Aruba” Croes a sigui bisa. Y segun e rapport cu noticiacla.com tin den su poder di DAO, cu ayudo di CBS, ta confirma pues e cifra cu gobierno di Aruba a anuncia y cu a causa tanto conmocion. Mester bisa mesora si cu e cifranan ta cambia constantemente, y cu esaki por cambia segun e situacion di COVID na Aruba cambia.