DOW: Hendenan a ‘coi’ sosten di pal'i coco riba Watty Vos Boulevard

ORANJESTAD – Apenas algun siman despues cu DOW a cuminsa pone palo di coco ‘Sabel Palm’ riba Watty Vos Boulevard entre rotonde di Codemsa y di FCCA, ya a cuminsa horta parti di dje. DOW ta reclama cu hendenan a cuminda ‘coi’ e sosten (steun) di palo (2x4) cu ta yuda sostene e palonan di coco te ora nan haya forza. DOW a pidi pa no haci esaki, pasobra e ta forma un peliger pa automobilistanan cu ta core entre e rotondenan menciona. Sin e sosten di e palonan, e palo di coco no ta sostene y por cay abou, tanten e raiznan no forma suficiente den tera.