Grupo di ciudadano preocupa kier Ministerio Publico actua miho

ORANJESTAD – Un grupo di ciudadanonan preocupa a vocifera nan preocupacion diaranson atardi pa cu e forma con ministerio publico ta actuando. E grupo di mas of menso 50 pa 75 persona a topa prome na Plaza Betico Croes unda cu esun cu ta lidera e operacion, conocido ciudadano Jeffrey Schuilenburg a hiba palabra. E preocupacion ta cu, compara cu p.e. Corsou, Ministerio Publico tin hopi caso sea tranca of no ta actuando manera cu mester ta. A marcha despues pa edificio di Ministerio Publico pa entrega un carta na e fiscal y procurador general interino pa wak si por bin cambio den e maneho.