Aruba Offroad Foundation kier minister intermedia durante reunion cu Parke Arikok

ORANJESTAD – Aruba Offroad Foundation ta contento cu Parke Arikok a bay di acuerdo pa reuni cu nan, riba e problemanan cu tin pa cu e situacion di ATV y UTV, pero tambe kier pa e minister encarga, Marisol Lopez Tromp atende e reunion. Esaki ta e mensahe cu nan a manda den un comunicado. E reunion cu nan a haya, ta poni pa dia 18 di juni proximo. 

MEDIADOR IMPARCIAL

E intencion di tin minister presente segun AOF, ta pa por actua como mediador imparcial y por facilita un combersacion cu e meta di pone riba mesa diferente solucion pa cuida naturalesa y na mesun tempo por salvaguardia e pan di mas di 600 famianan cu ta relaciona na e actividad recreativo aki.

POSITIVO

Aruba Offroad Foundation ta hopi positivo cu a acepta pa sinta cu nos y ta spera cu e lista di recomendacion cu ta bai presenta na Parke ta haya atencion y consideracion necesario pa hunto yega na solucion sostenibel y balansa entre economia, naturalesa y famianan.