Entrante awe por busca plachi di number T y/of O na Departamento di Impuesto

ORANJESTAD – Entrante dialuna awor, dia 8 di juni, Departamento di Impuesto lo cuminsa otorga e plachinan di number T y O di aña 2020. E automobilistanan cu tin plachi T y/of O por acudi na balie 6 na e oficina principal na Camacuri. E orario di servicio ta 7:45 – 11:30 y 1:15 – 3:30.

Pa e partimento di plachi T y O, Departamento di Impuesto ta mantene e siguiente skema. 

 Pa por ricibi e plachinan ta importante pa trece e siguiente documentonan:

- Recibo di pago original di Departamento di Impuesto

- Comprobante di seguro valido

- Vergunning di T y/of O valido

Si acaso e vergunning no ta valido, por trece un carta di DTP indicando cu e peticion ta den proceso.

Departamento di Impuesto ta pidi pa sigui e skema menciona pa evita aglomeracion y pa por garantisa cu e partimento di e plachinan por sosode na un forma organisa.