OMT ta conseha pa no habri frontera cu Merca y Latino America ainda

OMT ta conseha pa no habri frontera cu Merca y Latino America ainda

Posted on 06/7/2020 7:15 pm AST | Updated on 06/7/2020 7:16 pm AST

ORANJESTAD – Si ta pa RIVM y e Outbreak Management Team Caribe (version di OMT di nos region) y Rijks Instituut Voor Milieu en Natuur (RIVM) di Hulanda, nos no por habri frontera pa ni Merca ni paisnan  den Latino America ainda. Por lo menos esey ta un di e consehonan cu tanto RIVM como OMT ta recomenda den nan ultimo carta fecha 3 di juni 2020, cual e matutino di Corsou Antiliaans Dagblad a referi na dje y cu e portal aki tambe tin den su poder. 

ARUBA AINDA NO A DICIDI

Mientras cu tanto Corsou como Bonaire ta cla cu nan fecha pa reapertura di nan respectivo isla, Aruba ainda ta deliberando riba esun di dje. Y den e respectivo recomendacionan (sigur di Corsou) ta mustra cu por lo pronto no ta habri frontera cu Merca. Algo cu pa Aruba por bira problematico, ya cu esaki ta e mercado principal turistico. Cu Aruba ta duna oido na esaki, no ta conoci ainda. 

CONSEHO

Hulanda mientrastanto pues, a presenta su conseho pa cu e proceso aki. Y e ta mustra cu e no ta nada facil, y cu tin cu tene cuenta cu un sin fin di rekisito. Cada un cu nan bentaha y desbentaha. A pidi pa adapta nan seleccion di pais cu ta permiti pa habri pe, conforme e situacion di cada pais individualmente. Asina ta papia di un ‘triage’ pa pasahero pa determina ken por biaha y ken no, gana experiencia door di pone un limitacion di cantidad di turista pa drenta e islanan (Corsou p.e. a pone un maximo di 10 mil turista pa luna), haci palabracion concreto cu e industria di turismo pa loke ta higiena y regla pa cu COVID, testmento na cantidad grandi, y informacion suficiente pa e comunidad.   

FRONTERA CU MERCA

Como sugerencia, RIVM ta sugeri pa e.o. bin cu un prohibicion di entrada pa paisnan unda e contagio di COVID-19 ta halto, pa asina limita e cantidad di pasahero cu por keda infecta. Pero ta mustra cu e sugerencia aki, cierto mercado necesario manera Merca y paisnan den Latino America, ta wordo completamente exclui. 

METODO DI CONTROL

Mientras cu e conseho ta referi tambe na por lo menos 4 metodo di control, nan ta ilustra mes momento tambe e fayonan cu cada metodo ta presenta. Entre nan, midimento di temperatura. Esaki pasobra mientras cu e ta mustra di ta un forma di alerta riba e condicion di un pasahero, hopi biaha un keintura of otro simptoma di calor por wordo interpreta robez y e no ta hopi confiabel. Tambe tin e parti di triage unda cu pa medio di papia cu e pasahero, ta documenta nan situacion. Problema ta cu tin cu confia riba e honestidad y transparencia di e pasahero pa e informacion cu e por duna. Ademas, si un pasahero haci un declaracion na comienso di su biahe, esaki por cambia (esta su situacion) pa ora cu e yega su destinacion. Ademas e ta rekeri pa tin hopi hende disponibel pa eherce e trabou ey. Y uno cu tambe toch no a resulta positivo, ta ora cu ta test un pasahero prome cu e biaha, pasobra tin casonan caba (noticiacla mes a raporta uno di Grecia) unda cu a test negativo prome cu e buelo sali, pa ora cu e buelo yega e destinacion, nan ta resulta positivo toch. 

CUARENTENA

Otro aspecto ta esun di cuarentena. Aki tambe tin varios scenario presenta pa atende cu ne. Entre nan pa pone tur turista cu yega e islanan, pa bay den cuarentena 14 dia. Problema ta cu esaki no ta loke un turista kier, sigur si, si e estadia di e turista ta menos cu e 14 dianan ey. Pues hopi realistico segun RIVM esaki no ta. Tambe ta papia di e COVID hotels of lugarnan special di hospedahe pa e turistanan, pa asina separa turistanan di e comunidad local. E turista por disfruta di e facilidad di e hotel, pero esun perhudica e ora ta e personal di e hotel of facilidad, cu lo mester tin un protocol y forma di control special pa nan. No ta sigur cu esaki lo funciona tampoco. Tambe introduccion di un toque de queda turistico valido pa cierto area ta sugeri, pero esaki den practica no ta mucho atractivo. Y finalmente, pone un limitacion of maximo di cantidad di turista cu por biaha, pa asina controla e cantidad. Entre otro ta papia pa Corsou, cu e prome luna, por permiti solamente 10 mil turista pa drenta. Y si bay bon, ta aumenta e cantidad e proximo luna. 

  • Ministernan ta reclama: Reforma den un luna di tempo ta mucho cortico

    Ministernan ta reclama: Reforma den un luna di tempo ta mucho cortico

    DEN HAAG – E tempo cu cual   Aruba, Curaçao y Sint-Maarten mester reforma segun Hulanda, a cambio di e fiansa ta mucho halto. Ministernan plenipotenciario di e islanan diabierna na vocifera nan mes despues di e conseho di Reino diabierna merdia (ora di Hulanda).  Nan ta mustra cu pa introduci reforma den un luna di tempo no ta realistico. 

  • Reunion di RMR pa aproba fiansa pa Aruba ta confrontando reto

    Reunion di RMR pa aproba fiansa pa Aruba ta confrontando reto

    ORANJESTAD – Tin posibilidad cu e reunion diabierna awor den Conseho di Minister di Reino Hulandes (RMR) no ta continua manera planea. Of, cu por tin cambio den e agenda. Minister plenipotenciario pa Aruba na Hulanda Guilfred Besaril por a solamente confirma (na noticiacla.com) cu RMR no ta kedando cla cu e documentonan necesario. “Pa nos hiba e discussion mas a leu mester tin algo preto riba blanco”, Besaril a bisa. Segun e mandatario, un punto di agenda ta mara na cierto reglanan. “E principal cu tur documento mester keda entrega na tempo pa tur partido por analisa y hiba e discussion necesario prome cu e bini den e RMR” Besaril a bisa e portal aki. Aki ta trata e documentonan cu ta referi na e condicionan nobo pa Aruba haya e fiansa. 

  • Condicion pa Aruba ricibi proximo fiansa ta hopi mas drastico

    Condicion pa Aruba ricibi proximo fiansa ta hopi mas drastico

    ORANJESTAD / DEN HAAG – Hulanda (lesa: Conseho di Minister di Reino) ta dicidi diabierna awor 3 di juli riba e proximo fiansa pa e.o. Aruba y e condicionan cu ta bay mara na dje. Noticiacla.com ta reproduci e articulo aki cu a keda publica recientemente caba, pa re-itera e importancia di e siman aki. E articulo tabata mustra riba e hecho cu ‘mientras cu e ta wardando riba Aruba pa duna su ‘input’ kico e condicionan y/ of medidanan pa e proximo ‘tranche’ di fianza mester bira, Hulanda mes tabata preparando su propio lista di condicion cu Aruba mester cumpli cu ne si e kier haya e siguiente suma di placa como fiansa (tranche)’. For di ministerio di secretario di estado Raymond Knops, Noticiacla.com a compronde mas prome cu e condicionan e biaha aki lo ta mucho mas drastico cu esunan anteriormente impone.   

  • Prominentenan ta apela na Mark Rutte pa compasion pa nos islanan

    Prominentenan ta apela na Mark Rutte pa compasion pa nos islanan

    DEN HAAG – Un grupo di Hulandes ‘prominente’ incluyendo algun artista cu tin vinculo cu islanan ABC, a haci peticion na gobierno Hulandes pa tene compasion cu nos relaciona cu e situacion di crisis di COVID-19. Den un carta dirigi na Prome minister Mark Rutte, nan ta repasa e situacion cu a surgi awor, y con e islanan ta para. Ademas ta repasa e ayudo cu Hulanda a duna, y mas importante, lo sigui duna. De hecho, e apelacion ta mas dirigi riba e siguiente ayudo planea pa keda anuncia diabierna awor durante e ultimo RMR prome cu reces. 

  • Hulanda ta preocupa cu e disturbionan na Corsou

    Hulanda ta  preocupa cu e disturbionan na Corsou

    DEN HAAG – Prome minister Hulandes Mark Rutte ta preocupa cu e disturbionan na Corsou. Asina el a bisa den e conferencia di prensa despues di reunion di conseho di minister diabierna. E ta bisa tambe mesora si cu e no ta na altura kico e motibonan ta pa e disturbionan. Segun Rutte, e ta conciente cu e gobiernonan di Corsou y e otro islanan ta bou di presion enorme. A compara e situacion di prestamo cu e ayudo di Union Europeo na Italia y Spaña.” Nos kier yuda, pero ta na su lugar pa pidi a cambio pa bin cu reforma. Nos no ta pidiendo pa corta gasto, sino pa reforma. E mercado laboral, e sistema di pensioen, nv di gobierno, cobransa di gobierno. Mi sa cu esaki politicamente ta algo sensitivo” Rutte a sigui bisa. “Atrobe, nos no ta pidi pa kibra e economia cu cortamento di gasto, sino pa reforma. Riba termino largo esaki por crea te hasta trabou”. 

  • Hulanda porfin ta raporta 0 caso di morto di COVID-19

    Hulanda porfin ta raporta 0 caso di morto di COVID-19

    AMSTERDAM – Pa prome biaha desde maart, Hulanda ta raporta 0 morto di COVID-19. E cantidad di morto ta keda na   6090 segun RIVM. Ayera diadomingo ainda a raporta 1 morto. Tin si 2 persona cu a keda interna. Cu esaki tin 11.851 persona interna. Na tur, Hulanda tin 49.658 persona cu a haya e virus. Tin tambe 69 caso nobo cu a bin acerca.  

  • Powered by SETAR