Grecia: Pasaheronan a test positivo despues di biaha, mientras cu nan tabata negativo na salida

ATENAS – Mientras cu Aruba ( y otro paisnan) ta preparando pa habri nan frontera bek, tur ta deliberando con pa atende cu turistanan cu lo bishita e respectivo paisnan. Un di e formanan menciona, ta pa test tur pasahero pa COVID-19 prome cu nan subi avion. Sinembargo awor ta resulta cu esaki no necesariamente ta un garantia. Y Grecia tin e storia pa conta. A Test un cantidad di pasahero cu a sali negativo prome cu sali y despues na yegada, a test positivo. Por lo menos 12 di e 91 pasaheronan cu a test negativo prome cu nan a subi avion, a test positivo despues di a yega nan destinacion. E buelo tabata di Doha, Qatar pa Atenas, Grecia. Grecia awor a suspende tur buelo pa y desde Doha te 15 di juni proximo.