Diasabra buelo di KLM a trece mas Arubiano bek pa Aruba

ORANJESTAD – Un otro grupo di Arubiano a yega Aruba diasabra riba un buelo humanitario di KLM. Tabata buelo KL783 di KLM tipo Airbus A330-203 cu a bin for di Amsterdam. Despues di a baha e pasaheronan di Aruba y subi esnan di Hulanda den oranan di atardi rumbo pa Corsou. Despues anochi e avion a sali bek, rumbo pa Hulanda. No tabata conoci cuanto pasahero di Aruba tabata riba e buelo. Loke ta confirma tambe ta cu tur, conforme regla di DVG y Crisis team di Aruba, tur a bay den cuarentena obligatorio pa 2 siman. E conteo official sinembargo di esnan den cuarentena ainda no a keda actualisa y ta sigur cu pa dialuna esaki si lo refleha e aumento aki. Potretnan cortesia di 297 Spotters.