Durante buskeda pa arma perdi di polis, a detene hende y haya otro arma

Durante buskeda pa arma perdi di polis, a detene hende y haya otro arma

Posted on 06/6/2020 4:46 pm AST | Updated on 06/6/2020 4:47 pm AST

ORANJESTAD – Den afan pa busca un arma reglamentario di un agente policial, polis a haya un arma semi automatico cu parce un uzi. Tabata diabierna cu a bira conoci cu un of mas persona lo a ‘horta’ e arma reglamentario, aunke no ta conoci unda y con esaki por a sosode. Polis no a duna e informacion ey. Loke si nan a confirma diasabra, ta cu durante buskeda pa e arma, a detene 5 persona y a confisca e arma semi automatico, un silenciador, 3 peña (unda ta carga e municion), y municion. Segun e boletin di polis, no ta descarta cu lo tin mas detencion

  • Atraco arma riba pareha na Fishermans Hut

    Atraco arma riba pareha na Fishermans Hut

    PALM BEACH - Pa 00.00 melding a drenta via Centrale Post cu un atraco a tuma luga na altura di Fishersman Hut. Na jegada di patruya ta bin topa cu un pareha cu a declara cu 2 homber cu arma di candela den man a atraca nan y a bay cu un suma di mas o menos 200 florin, nan jabi di auto (Jeep) y nan celular. E atracadonan a papia spaño.Atraco Team a presenta na e sitio, polis tecnico y tambe slachtofferhulp. Cuerpo Policial ta pidi esun cu a wak algo of sa algo jama e tiplijn di polis cu ta 11141

  • Polis a detene 9 persona despues di un di e manifestacionan diabierna anochi

    Polis a detene 9 persona despues di un di e manifestacionan diabierna anochi

    ORANJESTAD - Awe diabierna henter dia Cuerpo Policial a guia 3 diferente manifestacion.  Segun version di polis, nan a  informa  cu dos di e gruponan a sa di comporta nan mes como debe ser. Na final polis a informa cu nan a guia e grupo lidera pa sr Regi Danies cual no tabata un tarea facil, segun polis a raporta diabierna anochi. “ Tur hende tin e derecho conforme nos constitucion pa manifesta y expresa nan opinion. Nos di Cuerpo Policial sigur ta convivi cu e causa aki y a laga señor Danies manifesta y expresa su opinion” vocero di polis Lito Laclé a informa. Cuerpo Policial  a duna e grupo di sr Danies te cu 10 or di anochi pa ta ariba caya. Pa 10 or di anochi polis a dunanan orden pa bandona e sitio y no stroba trafico . Nan  no kier a cumpli cu e orden encuestion y Cuerpo Policial a bay over na detene un total di 9 persona pa no sigui orden di polis. E personanan aki a wordo transporta pa warda di polis pendiente investigacion.

  • Detenido Venezolano a huy for di centro di Guarda Nos Costa

    Detenido Venezolano a huy for di centro di Guarda Nos Costa

    ORANJESTAD – Un detenido di nacionalidad Venezolano a huy for di Centro di Detencion di Guarda Nos Costa diadomingo atardi. Asina CNC a confirma. Ta trata di  Arias Acosta Jose Anyeer. Na e momentonan aki den colaboracion cu KPA, GNC ta buscando Sr. Arias Acosta. E noticia ta den proceso. Keda pendiente pa mas informacion. 

  • Polisnan di Aruba y Bonaire a yega Corsou pa duna ayudo

    Polisnan di Aruba y Bonaire a yega Corsou pa duna ayudo

    WILLEMSTAD – Un grupo di polis di tanto Aruba y Bonaire lo a yega Corsou awe diabierna, cu e intencion pa reforsa e cuerpo den e cuadro di ayudo pa combati e situacion turbulento. Asina noticiacla.com a compronde di su fuentenan na Corsou. Noticiacla.com no tin e cantidad exacto, pero si cu e gruponan a yega Corsou y lo mester asisti nan coleganan di Corsou. Manera ta conoci, gobierno di Corsou a anuncia cu no ta bai tin toque de queda e fin di siman aki, pero si cu a tuma medida pa garantisa seguridad pa tur ciudadano. NOTA: E potret ta uno di archivo di Cuerpo Policial y no ta refleha necesariamente e polisnan cu a bay Corsou. 

  • OM: Caso Flamingo ta investiga otorgamento di tereno y rol di ex minister den esaki

    OM: Caso Flamingo ta investiga otorgamento di tereno y rol di ex minister den esaki

    ORANJESTAD – E invalnan cu a tuma lugar awe mainta na varios cas y negoshi, no ta parti di e investigacion caso Avestruz sino un caso nobo, cu a haya e nomber “Flamingo’. Asina ministerio publico a confirma diaranson mainta. Durante e invalnan a bishita entre otro cas(nan) di ex minister Otmar Oduber y comerciante R.H. Ademas a bishita un negoshi na Rumbastraat. Tur esaki a keda confirma finalmente pa ministerio publico, cu ta confirma cu ta Landsrecherche (LR)  en cooperacion cu RST (Recherche Samenwerkingsteam) y Cuerpo Policial Aruba y bao guia di huez-comisario, a haci e invalnan aki. OM ta confirma cu ta investiga e ‘rol’ di e ex minister den e asunto aki. Esey ta splica e inval na su dos dos casnan. 

  • Persona masculino a hoga na Boca Catalina

    Persona masculino a hoga na Boca Catalina

    ARASHI - Diamars mainta pa 11:47 central di polis a wordo notifica cu un persona masculino lo mester a drenta lama na Boca Catalina mas o menos 9:30 y nan no a wak e mas. Di biaha central di polis a pone maritiem na altura, na nan turno a saca e boto di polis y tambe a lanta e helicopter di polis pa cuminsa cu e busceda. Pa 1:11 di merdia helicopter ta encontra e curpa sin bida di e persona . 

  • Powered by SETAR