Web ta inicia 2 proyecto pa reemplasa tuberia den area Playa - Noord

Web ta inicia 2 proyecto pa reemplasa tuberia den area Playa - Noord

Posted on 06/5/2020 5:28 pm AST | Updated on 06/5/2020 5:29 pm AST

ORANJESTAD – E situacion sin precedente di COVID-19 a ofrece e oportunidad pa WEB Aruba ehecuta dos proyecto pa reemplasa partinan di tuberia mayor di awa. Bou di circunstancia normal lo tawata casi imposibel pa ehecuta e proyectonan sin afecta nos turismo. Ta trata di dos trayecto di tuberia na L.G. Smith Boulevard y na J.E. Irausquin Boulevard. Diaranson 10 di juni tres diferente contratista local lo inicia e dos proyectonan simultaneamente. Di e forma ey ta haci uzo di e hecho cu actualmente tin menos trafico y bishitante. Ta spera di finalisa e proyectonan dentro di dos luna y mey. Segun e trabou ta progresa, automobilistanan lo experencia desviacion di trafico y parkeo y formamento di fila. Un suplica ta bay na tur automobilista pa baha speed y respeta borchinan di trafico den e areanan concerni. 

Via nan pagina di Facebook, WEB lo duna update periodicamente pa mantene comunidad na altura di e trabounan y desviacion di trafico. A prepara e proyectonan den consulta cu DOW, Polis y Aruparking.

E prome proyecto ta e reemplaso di tuberia di awa di 10 inch cu un largura di 1 km, cuminsando dilanti Hotel Riu Palace te na Holiday Inn Resort. E di dos proyecto ta reemplaso di tuberia di 12 inch cu un largura di mas o menos 1.4 km entre Lagoen/West Deck Restaurant te cu e tanki di awa pabou di CITGO Boulevard.

Proyecto Reemplaso tuberia trayecto Riu Palace - Holiday Inn Resort

Pa lo cual ta e trayecto Riu – Holiday Inn, lo coba canto di caminda, pone seccionnan di e tuberia for di servicio, kita e tuberia bieu y instala e tuberia nobo. Esaki lo trece interupcion di awa cu lo no ta mas cu 8 ora pa cada seccion.  WEB lo coopera mas tanto posibel cu e hotelnan, negoshinan y residencianan riba ruta. Esaki ta encera cu lo restaura vegetacion, materialnan di indicacion y otro tipo de embeyecimento lo mas tanto posibel den su estado original. 

Proyecto Reemplaso tuberia trayecto West Deck Restaurant – Tanki tereno Waf

Pa lo cual ta e trayecto Lagoen – Tanki na Waf, lo parti e trabounan den dos seccion. E prome seccion ta e trayecto na haltura di West Deck Restaurant te na e asina yama brug di Renaissance. E di dos seccion ta di brug di Renaissance te na e tanki pabou di CITGO Boulevard. Aki tambe WEB lo traha hunto cu e hotel y negoshinan riba e ruta y restaura e area afecta mas tanto posibel. 

 

 

 

 

 

WEB lo tuma tur precaucion y medida nececario pa limita e inconveniencia durante e trabou di construccion. Tres contratista local lo traha simultaneamente bou di coordinacion di lidernan di proyecto di WEB. E proyectonan no solamente ta contribui na mantene e suministro di awa di calidad halto cual WEB Aruba ta para p’e. Durante e tempo dificil actual nan ta contribui tambe na economia di nos isla. Di antemano WEB Aruba ta ofrece su disculpa pa e inconveniencia cu e trabounan lo trece pa e areanan envolvi y pa automobilistanan. Pa posibel pregunta por yena e formulario di contacto riba webaruba.com of yama WEB Aruba su Call Center na tel. 280-4600.

 

  • Casonan di COVID-19 na Aruba a cuminsa aumenta atrobe

    Casonan di COVID-19 na Aruba a cuminsa aumenta atrobe

    ORANJESTAD – Departamento di Salud (DVG) a informa diasabra merdia cu un otro caso positivo di Covid 19 Corona virus a keda constata na Aruba. Esaki ta e di 4 caso activo den un siman di tempo, despues cu pa 2 luna tabatin 0 caso. E caso aki  ta trata aki di un persona cu ta residente y cu a test positivo na su yegada na Aeropuerto. Manera e procedura normal ta indica e persona cu a test positivo a bay den isolacion y dos otro persona a bay den cuarentena. DVG ta desea e pashent un pronto recuperacion. Manera ta conoci, a premira e situacion aki cu unabez cu habri frontera, e posibilidad ta grandi cu casonan di COVID-19 lo cuminsa aumenta di nobo. Pa mas informacion tocante di update di casonan di Covid 19 y tur otro informacion manera; Reglanan di e Normal Nobo, Tips y Protocol por bishita e website www.arubacovid19.org

  • Aruba ta habri frontera cu Merca toch, pero cu mas exigencia pa estadonan di risico

    Aruba ta habri frontera cu Merca toch, pero cu mas exigencia pa estadonan di risico

    ORANJESTAD - Gobierno conhuntamente cu Crisis Team y otro instancianan concerni a anuncia diasabra cu ta habri frontera cu Merca toch entrante diabierna 10 di juli, pero cu exigencianan mas estricto pa 24 estado Mericano cu tin risico halto ainda pa COVID-19. Den cuadro di esaki, director di Direccion di Aviacion Civil diabierna a manda e anuncio pa tur operador di aviacion Mericano, cu ta bula pa Aruba, di e decision tuma pa gobierno di Aruba. 

  • CAO nobo a wordo firma entre Ling & Sons Food Market y FTA

    CAO nobo a wordo firma entre Ling & Sons Food Market y FTA

    (ADVERTORIAL)

  • Manifestantenan na gobierno: ‘Nos no ta pidi, nos ta exigi!’

    Manifestantenan na gobierno: ‘Nos no ta pidi, nos ta exigi!’

    ORANJESTAD – Cu e grito ‘Nos no ta pidi, nos ta exigi’, centenares di manifestante (mayoria bisti na preto cu lemanan contra violencia, a marcha di edificio di Corte di Husticia pa Parlamento y despues Bestuurskantoor pa eynan entrega un manifiesto na nomber di muchanan di Aruba cu a keda abusa. Mientras cu e centenares di ciudadanonan tabata acomoda nan mes na e sitio, nan tabata grita ‘Nos no ta pidi, nos ta exigi’, pa mustra nan frustracion di hopi tempo. Cu e grito, nan a mustra cu nan no tempo di pidi a pasa, y awor ta exigi. Asina mes e grupo a keda respetuoso y ordena. Tanto presidente di parlamento Ady Thijsen como prome minister Evelyn Wever y su coleganan minister Andin Bikker y Glenbert Croes, a papia cu e manifestanenan y su representante Yuri Bracho, y a priminti nan cu otro siman lo topa cu un comision cu ta representa e manifestantenan y asina atende nan preocupacionan mas miho. A splica di e leynan cu a pasa recientemente aunke cu falta mas. “Mi sa cu a priminti cu ta pasa ley den 6 minuut pero esaki lamentablemente no a logra ainda” Wever a bisa e manifestantenan. Mes momento por a compronde di e prome mandatario cu den tur su tempo den politica, e no a wak asina hopi hende manifesta, pero pa un bon causa, cual e ta aprecia. 

  • Grupo grandi di ciudadano a protesta contra abuso di mucha

    Grupo grandi di ciudadano a protesta contra abuso di mucha

    ORANJESTAD – Un grupo grandi di ciudadano a bay protesta dilanti edificio di Corte di Husticia di Aruba demandando atencion pa casonan di violencia contra mucha. Mayoria bisti na preto, y hopi cu mondkapjes a presenta, unda cu varios a hiba discurso despues cu a entrega un manifesto na e representante di Corte. Hopi di esnan cu a papia, tabata sea familiar di victima di abuso di mucha of un victima nan mes. Despues e grupo a marcha bay Parlamento pa entrega un manifiesto na presidente di Parlamnto Ady Thijsen. 

  • Encuesta: No habri frontera pa Merca 10 di juli proximo

    Encuesta: No habri frontera pa Merca 10 di juli proximo

    ORANJESTAD – Mas di 50% di un grupo di lesado di noticiacla.com cu a participa den un encuesta riba e tema di reapertura di Merca, no kier pa gobierno habri frontera cu Merca dia 10 di juli proximo. Pa e encuesta aki cu a keda habri pa 24 ora, un total di 1522 persona a participa. Entre esnan encuesta, e gran mayoria (57%) cu a vota pa no habri frontera dia 10 di juli, ta hende di edad 65 of mas halto. Algo cu ta comprendibel, ya cu nan ta e grupo mas vulnerable pa e virus COVID-19. 

  • Powered by SETAR