Bo salud ta importante ! traha tempo pa train ! bo sa dikon ?

(ADVERTORIAL) 

Ehercicio regular ta un di e miho cosnan cu bo por hasi pa bo salud. E tin hopi beneficio, manera mehora bo estado general di fitness y bienestar mental, tambe e ta preveni e riesgo di malesanan. Tin hopi differente tipo di ehercicio, importante ta pa bo kies esun cu bo gusta y cu ta bai bon cubo. Mayoria hende ta haja e miho resultadonan di ehercicio dor di hasi un variedad, of combinacion di varios tipo di ehercicio.  

-       Aerobic training ta ehercicio cu enfoca pa eleva bo rosea y frequencia cardiaco. Esaki ta tene bo curason, pulmon, y sistema cardiovascular sano. 

-       Forza of resistencia ta hasi bo musculonan y wesonan mas fuerte. Algun ehempel ta hisa peso of usa un cinta elastico.  

-       Balans ta hasie mas facil pa por ehempel cana riba superficienan irregular y preveni caidanan. Pa mehora bo balance por purba Tai Chi of Pilates. 

-       Flexibilidad ta hasi cu bo musculonan ta mas agil. Yoga por ehempel ta un tipo di ehercicio cu ta promove e elasticidad di musculonan. 

Na prome instante semper ta mustra dificil pa hinka ehercicio regular den bo rutina di tur dia. Pero bo por cuminsa poco poco, y asina parti bo ehercicio den pida chiquito. Hasta hasi 15-20 minuut cada bes ta bon. Asina bo por tuma e pasonan pa jega na e cantidad di training recommenda. Cuanto ehercicio bo mester hasi ta depende di bo edad y di salud. 

Otro cosnan cu bo por hasi pa probecha mas hopi di ehercicio ta:

-       Kies ehercicionan cu ta traha riba differente parti di bo curpa, incluyendo bo core (musculonan rond di bo lomba y barika y pelvis). Forza den bo core ta mehora balans y stabilidad y e ta preveni problemanan of lesionan di lomba. 

-       Hasie ehercicio cu bo disfruta. E ta mas facil pa hasi ehercicio diario si ta algo cu bo ta gusta hasi. Por ehempel natashon, core bicicleta, fitness, zumba etc. 

-       Semper hasi ehercicio safe y cu equipo apropia pa preveni cu bo ta haja lesion. Tambe scucha bo curpa y no ‘over-do it’. 

-       Duna bo mes un of mas metanan. Corda cu e ta bon pa semper pone metanan realistico. Tambe ta bon pa recompensa bo mes ora bo a jega bo meta. Bo por tin un recompensa grandi manera cumpra panja of equipo di train nobo, of kizas mas chiquito, manera tickets pa bai cine. 

 Jason Gerling/Bodyzone Fitness Club