• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Opinion: Historia di e problema di Colegio Arubano

Skibi pa Eric Illes MA

E periodo di mando di e directiva di SMOA/SVOA a finalisa fin di mei. E directiva tabata consisti di cuater miembro. Aparentemente, un miembro di directiva no tabata tin interes di sigui funciona den un siguiente periodo y a bandona directiva. Sorprendentemente, e representante di obispado den directiva tambe a tuma su retiro. Posiblemente, un sen?al cla di obispado, cu no ta diacuerdo cu modo di procede, mirando e carta di ALV dirigi na obispado. Notabel ta e reeleccion di e presidente como representante di OCCA. Den e ordenansa nacional ta para cu directiva di scol ta brinda mayor, representante y cuidado di alumno e oportunidad pa forma un comision di mayor. Structura, forma pa eligi miembro y autoridad di e comision di mayor ta regula pa gran parti door di directiva di scol, di acuerdo cu e disposicionnan cu ta contene e medidanan general di e decreto nacional, manera ta menciona den articulo 44, paraaf 2. Despues di informa tocante un decreto nacional di e tipo aki cu ta regula elaboracion di e ordenansa nacional, ta parce cu esaki no ta existi. Pues tur cos por?

Tin un otro problema. E nombramento di e siguiente rector. Ta imprudente pa cualkier directiva nombra un rector sin ningun forma di participacion di e docentenan y personal no encarga cu docencia. Un mentalidad di “duna y kita for di trabou”, ta lin?a recta contra participacion, cooperacion y dialogo. Ignora esaki lo traha net contrario y lo haci cu historia ta ripiti, a pesar di e calidad di ensen?ansa y clima escolar.

Historia di entrada y salida di e rectornan desde an?a 2010, mester ta bon conoci. Ademas di e dinamica, Colegio Arubano mester di paz y continuidad, locual scol no tabata conoce e ultimo dies an?anan. E directiva di scol na an?a 2010 tabata kier un “cambio di cultura”. Ta desde e tempo ey cu directiva di scol a involucra su mes mas cu e asuntonan diario1 . Dirigi scol riba distancia a disparece.

Pa realisa e cambio di cultura, a implementa un liderazgo di forma top-down, cu meta pa mehora resultado di examen y calidad di ensen?ansa. E scol mester a bira mas chikito y mas eficiente, mester a pone Colegio San Nicolas un banda, un seleccion di admision mas stricto tabata necesario y mester a adapta contenido di les, Colegio mester a bira un “berdadero scol di HAVO/VWO” y prepara su mes pa e por sigui e cambionan na Hulanda. Durante e proceso aki un cantidad grandi di alumno a keda descualifica. Tabatin hopi presion riba e docentenan2.

Den e plan escolar 2012-2016, tanto docente como rectorado a expresa nan preocupacion pa e cuido di alumno, e peso di trabou di e docentenan, maneho di personal, infrastructura, mono-vakken (Na-Sch-Bio) y con mester atende cu esakinan. E aporte di e docentenan expresa den varios Asamblea General di Docente (ALV) tabata un bon punto di salida pa progresa y inicia dialogo entre rectorado y directiva di scol.

Particularmente importante tabata e resultadonan decepcionante di examen y e deseo di un miho rendimento. E prome defectonan di innovacion den ensen?ansa, introduccion di Ciclo Basico (2004-2005), Ciclo Avansa (2006- 2007), e problemanan cu conexion di MAVO pa HAVO a introduci nan mes. Interesadonan tabata haya e rendimento mucho abou. A menciona tur tipo di rason, manera falta di nivel di idioma y matematica, falta di conexion cu scol basico, materia cu ta cubri otro y e roosternan mucho yen.

A discuti brevemente e rapport di “Functiehuis” di KPMG (2011), unda a discuti descripcion y evaluacion di trabou cu un structura salarial nobo pa sector di ensen?asa. Esakinan a disparce te dia di awe den lachi.

Na principio di an?a escolar 2016 a tene tres encuentro pa haci un analisis interno di e puntonan fuerte y debil di e organisacion, pa identifica oportunidad y peliger. A establece un plan di mehoracion. E obhetivo tabata aumento di e rendimento na scol y optimalisacion di e organisacion y structura di comunicacion. Poco poco e directiva a bin realisa, cu colaboracion y participacion di docente ta un condicion necesario den e organisacion di Colegio Arubano, pa por duna forma na “cambio di cultura”. E personal a insisti firmemente pa bin cu un medezeggenschapsraad (MR.)

A alinea un protocol di trabou pa MR. Na an?a 2017 MR lo mester a cuminsa. Na e momento ey e lo a consisti di personal di apoyo di ensen?ansa, docente, mayor y despues tambe representacion di e studiante. Lo tabata su encargo pa duna conseho tanto pidi como no pidi tocante: mehoracion di calidad, direccion di personal, plan escolar, direccion di participacion di mayor, seguridad na scol y den besindario di scol, e clima pedagogico y organisacion di scol. E lo tabata un inversion den calidad di ensen?ansa, y cu tempo stimula libertad di expresion y discusion mutuo. Periodicamente lo organisa reunionnan di intervision bou guia externo. Na parlamento lo mester a insisti pa dun’e un marco legal. Finalmente, scol a funciona sin rector pa un an?a y mey.

Riba 11 di april 2018, durante procedura di solicitud di e rector, cu awendia a tuma retiro, ALV atraves di su representacion den e comision di seleccion, a conseha directiva pa expande e comision di seleccion cu a lo menos dos miembro di ALV. ALV a referi na e “pregunta y puntonan di atencion” di casi un an?a atras, pa ta exacto 29 di juni 2017. Ey a haci mencion di un participacion cualitativo di e personal den e proceso pa nombra un rector. A menciona apoyo y aprobacion, y comunicacion mehora como aspectonan esencial y puntonan importante den e organisacion escolar. Lesa e documento original AKI. 

Eric Illes MA

Ex-Presidente di ALV Colegio Arubano, 2012-2017