Programa na Telearuba diahuebs riba e reapertura di nos Turismo

(ADVERTORIAL)

ORANJESTAD - Un programa informativo sumamente interesante cu lo trata e topico: Reapertura di Turismo di Aruba diahuebs anochi na Telearuba. Telearuba recientemente a realisa varios programa estilo Townhall caminda cu presentador Sr. Giovanny Muller y Televidentenan por a haci e panelistanan preguntanan relaciona cu e topiconan di e diferente sector economico y social di Aruba cu a habri segun e ta drenta den cada fase di recuperacion y apertura. Turismo ta e unico pilar economico di Aruba di cual henter nos poblacion practicamente ta depende di dje. Decenas di miles di trahadornan y famianan ta traha directamente y indirectamente den Turismo. Covid 19 Corona Virus a trece retonan grandi pa paisnan resolve con ta bay maneha Turismo cu e minimo di riesgo pa asina controla e Virus. E programa ta priminti di lo ta hopi interesante y di gran balor informativo pa henter nos comunidad. Fuera di Ministro di Turismo Sr. Dangui Oduber tambe lo tey presente representantenan di ATA, AHATA, ATSA, AAA y DVG. E programa ta cuminsa pa 8:30pm.