Aki dos siman Hulandesnan por biaha pa Caribe Hulandes

DEN HAAG – Personanan biba na Hulanda por biaha pa Bonaire, Sint Eustatius, Saba, Curaçao, Aruba y St. Maarten entrante 15 di juni 2020. Pero e palabra clave ta ‘probable’. Asina prome minister Hulandes Mark Rutte a anuncia diaranson anochi (ora di Hulanda) durante un conferencia di prensa riba COVID19. Segun Rutte, ta depende di e restriccion di cada un di e islanan aki. Pero pa loke ta Hulanda, no ta prohibi mas pa bula pa nos area. Aruba mientrastanto si no a duna e fecha official pa cual buelonan comercial por cuminsa atrobe. 

VACANTIE

Rutte a bisa tambe cu mirando cu ta vacacion, Hulandesnan por bay cu vacacion, pero mester tuma decision responsabel. Hulanda ta habri su frontera solamente pa paisnan cu tambe tin un situacion di control di COVID-19 mescos cu ne. Y turistanan tin cu tene nan mes na e reglanan na Hulanda.  Pa paisnan pafo di Europa, no ta permiti ainda pa biaha. Pero si ta solamente necesario, por biaha pa e destinacionan aki. Si e persona biaha pa e destinacion ey, ora e bolbe, e tin cu bay den cuarentena ora cu e bolbe Hulanda.