SMOA: A haya keho di bullying entre docentenan di Colegio Arubano

ORANJESTAD - Directiva (di SMOA) a haya keho di bullying entre docente foi diferente docente y por actua cu man duro pa stop esaki ya cu esaki ta contra tur norma y ley. Asina e presidente di e fundacion Robert Croes ta informa pa medio di un comunicado diaranson merdia. Despues cu merdia un grupo di docente a protesta dilanti di e scol, usando entre otro pancarta, e directiva di SMOA a manda e comunicado. Segun e comunicado, ta parse cu tin un grupito di docente cu ta bully otro docente pa firma pa asina hanja poder awo cu e rector a bandona e scol y, ta haci esaki a base di mentiras. 

CARTA DEN MEDIA

Tambe tabatin tin un carta den media cu SMOA a wak firma door di un hende. Segun SMOA, e no tabata dirigi na SMOA pero door cu ta acusacionan falso, a contesta riba tur punto cual SMOA tin prueba di dje. Si, tabatin algo di berdad, nan mester prueba esaki y bai OM haci denuncia. 

CONTROL

Segun e comunicado, cerca SMOA, tur cos ta wordo controla door di e departamento di accounting den scol y un compania di accounting pafo ta double check esaki. “SMOA ta un di e poco institutonan cu ta zorg tur aña pa su jaarrekening ta na ordo y ta manda copia pa Ministernan, departamento di Enseñanza, departamento di Finansas, Algemene Rekenkamer, Bisdom y Centrale Accountantsdienst”.

LAMENTO

Segun SMOA, “Bestuur ta lamenta cu ta tira cu lodo cu mal intencion door di supuesto presidente di ALV. SMOA nunca a ricibi carta cu e meneer aki ta e president nobo di ALV. Y nos no sa ken e meneer ta representa ni a base di kico. Pero si e meneer tin curashi di molestia y instiga nos docentenan, strobando e school di duna bon calidad di educacion na nos studiantenan”

GOOD GOVERNANCE

SMOA a sigura den e comunicado, cu e ta traha a base di Good Governance y nunca ALV no a pidi un meeting y nunca SMOA a ricibi un carta di keho pa ultimo tres aña nan por lo menos. Bestuur di SMOA ta solamente traha a base voluntario y gratis pa supervisa y conseha schoolleiding y no ta encarga cu uitvoering. 

CONTACTO

SMOA bisa di ta den contacto cu varios grupo di scol y tur menos uno ta papia y sinta na mesa. Tur hende kier pas y papia den bon comunicashon pa resolve cualkier problema cu por tin. “ Si president nobo di ALV tin e interes di nos studiantenan y su coleganan na pecho, e lo stop cu su actitud di instiga y bully, zorg pa e duna educacion ariba nivel y comunica cu SMOA directamente na luga di uza prensa pa acusacion falso y kehonan sin investigacion of wederhoor”.

SINDICATO

SMOA tambe tin miembro den vakbond y ta sigura di tin bon comunicashon cu vakbond. “ E procedura semper ta pa dialoga prome, despues carta y despues vota pa protesta or bai media si mester. No omgekeerd. I SIMAR no ta para tras di ALV”.

MANAGEMENT TEAM

Huntu cu e management team nobo - SMOA ta haci tur cos na su alcanse pa recupera e tempo perdi door di Covid-19.

E bon noticia ta cu e muchanan ta bayendo bon, scol a habri y cu;

- Inspectie a aproba pa nos tin summer school como remediering,

- tambe nos ta cumpra bukinan direct for di proveedor y asina logra pa reduci e     gastonan pa majornan,

- SMOA ta sigui cu mantenshon den zomer.

“ SMOA ta existi di un Bestuur profesional, drechi y responsible” e comunicado ta finalisa bisando.