Comunicado: Docentenan di Colegio Arubano kier retiro di directiva

ORANJESTAD – “E docentenan di Colegio Arubano ta mustra nan preocupacion relaciona cu crisis cu directiva (SVOA)”. Asina un comunicado di prensa ta bisa riba e situacion na Colegio. E comunicado no ta specifica si ta tur docente, of con grandi e grupo aki ta. E ta papia solamente di e problemanan cu segun e docentenan, ta tocando e scol. 

E CONTENIDO

Segun e comunicado, e ultimo simannan a bira cla via medio social y den prensa cu ta reina un incertidumbre na Colegio Arubano. “ Como docente nos kier comparti nos preocupacionnan tocante e desaroyonan aki cu, particularmente, e mayornan di nos alumnonan y e comunidad en general” e comunicado ta continua bisando. Nan ta referi tambe na e hecho cu ‘ta reina ya pa un cantidad di aña insatisfaccion y intrankilidad na Colegio Arubano’. Segun e informacion ricibi, na augustus di aña 2018, porfin a haya un rector Arubiano, cu a goza di confiansa di e cuerpo y cu a cuminsa cu e tarea pisa cu animo nobo. “Ni dos aña despues, e ta entrega su retiro ya cu traha cu e directiva actual, SVOA, ta imposibel. Esaki tabata e di 9 rector cu Colegio a conoce den 8 aña”. Lesa e comunicado integralmente AKI.