Trahadonan RdK a bin cu exigencianan pa Gobierno di Corsou

WILLEMSTAD – Trahadonan di Refineria di Korsou (RdK) kier gobierno cumpli cu tres condicion sino no ta descarta cu por tin un welga pronto. E trahadonan a reuni diamars atardi pa di dos biaha riba e dia. Nan ta preocupa pa nan futuro na e refineria, mirando cu no tin siguransa cu nan lo haya salario fin di e luna aki. Esaki debi cu e deal cu e operador nobo Klesh, no ta concretisa y no tin garantia cu tin placa pa paga e salarionan. 

CONDICIONAN

Entre e condicionan, e trahadonan kier mira e contracto cu Klesh, mester tuma tur trahado bek unabez cu e cambio di doño/operador tuma lugar, y kier sa kico ta pasa cu e placa (19 miyon) cu ta pega na Giro Bank ainda. Esaki ta e exigencianan pues cu a pone pa gobierno cumpli cu ne. Potret cortesia Notisia ING