NGO’s cu carta pa minister riba destruccion y molester di ‘Off Road Driving’

ORANJESTAD – Un grupo di organisacionnan no gubernamental (ONG) (miho conoci como NGO’s) cu tin como meta e proteccion di naturalesa a sinti nan mes yama pa vocifera nan preocupacion den cuadro di e destruccion y molester cu ta wordo causa door di ‘Off-Road Driving’. Den cuadro di esaki nan a manda un carta habri pa minister di infrastructura y medio ambiente Marisol Lopez Tromp. Segun e grupo, ya caba ley ta haci posibel e regulacion di areanan di naturalesa como tambe e regulacion pa loke ta trata e libertad di maneho di un manehador (beheerder) pa maneha e areanan aki, locual ta wordo haci actualmente dor di FPNA. 

Pa locual ta e areanan cu ta resorta bou Natuur & Landschap den cuadro di e Plan di Ordenansa Teritorial (ROP), esakinan ainda falta pa wordo regula sea den e actual ROPv o sea den leynan specifico nacional. 

Den cuadro di esaki por considera e proposicion di FPNA tocante Natuur & Landschap. Naturalesa tin su propio posicion y no por vocifera pa su mes. Ta netamente e ONG-nan ta haci esaki posibel dor di expresa nan mes y duna sosten na e proposicion aki. Tin suficiente estudio y rapportnan cu ta mustra e peligernan cu e uso di e ATV/UTV’s nan aki por trece pa medio ambiente, trafico y salud di esnan cu ta maneha e vehiculonan aki y e habitantenan rond. Lesa e carta completo AKI.