E conteo di miho 100 cancionnan di aña a cuminsa

ORANJESTAD – Un di e tradicionnan di fin di aña na Aruba ta e conteo di e miho 100 cancionnan di aña. Dos persona cu ta lidera esaki sigur tur aña ta e popular locutor/productornan Ruben “Scorpio” Garcia y Ivo Yanez. Den nan dos, Garcia tin mas tempo ta haci esaki, cu ta 39 aña. Mientras cu den transcurso di tempo e la move di emisoranan, e tradicion aki e la hiba cune tur caminda. Awor cu e ta dirigi e emisora POWERFM 101.7, esaki no ta cambia. Tur fin di aña, 31 di december e ta cuminsa e conteo di e miho 100 y ta publica e miho 90nan. E ta laga e ultimo 10 como sorpresa, y esey normalmente ta bin den e ultimo ora (10-11pm). Hunto cune, ta bin e publicacion di e miho 90, cu ta bira porta e pamfleta mas lesa pa e dia ey. Combina cu cantidad di ‘extra’s e dia ey, Garcia ta repasa e aña musical cu e estilo cu e la impone durante e 39 añanan aki. Entre Garcia y Yanez nan conteo musical, y e conteo di ora oficial di Roberto Geerman, Aruba ta bon informa radialmente. (Pa e miho 100 cancionan di POWER FM 101.7 , click aki)