Atracadornan a bay cu hopi placa di empresario na Corsou

WILLEMSTAD – Un empresario a keda atraca awe mainta na Corsou, unda cu dos atracador lo a logra bay cu un suma di 100 mil florin, aunke e portal Extra no ta haci mencion di e suma exacto y ta papia si di un suma ‘considerabel’. Ta trata di un empresario cu a yega banko PSB na Goisco pa bai deposita e placa. Pero na e momentunan eyi tabatin dos otro homber a cu a atraca e empresario aki y bay cu e placa, asina vosero di polis Imro Zwerwer a konfirmá pa e matutino Extra.

Segun e matutino, un rato despues di e atraco, a logra haña e auto cu a keda uza den e atraco den area di Groot Kwartier. A trata na cende e auto na candela pero bomberonan a logra paga e candela y posiblemente por a scapa pruebanan importante. E atracadonan a sigui move den otro auto. Polisnan ta investigando e caso aki.  

Cortesia Extra Curacao.