36 Aña consecutivo di Conteo di Fin di Aña cu Roberto Geerman

ORANJESTAD - Dia 31 december 2014, conocido locutor veterano Roberto a Geerman pa di 36 aña consecutivo lo ta encarga cu e conteo di fin di aña. E programa aki ta cuminsa dia 31 december 2014 pa 9:00 am y ta termina 1 januari 2015 pa 1:00 am via GFM Radio Galactica 99.9 FM.(16ora di programacion)

Durante e Conteo di Fin di Aña 2014 – 2015 lo bai tin diferente seccionnan interesante, e.o.: Los Astros Internacionales lo presenta e pronostico di tur 12 signonan pa aña 2015. Cuminsando 120r di merdia. Lo busca contacto cu arubanonan residencia den exterior. Aki lo duna oportunidad pa famia papia cu nan ser keri. For di 12:00 pm lo presenta e Top 25 ABC—E mihornan di Aruba, Bonaire y Corsow. Ademas pa 6pm lo conta e ultimo minuutnan di aña pa esnan bibando o studiando na Hulanda. For di 10:00pm tur hende por cuminsa yama pa bon deseo di aña nobo.

Lo tin tambe reportahenan di e celebracion di cambio di aña for di establecimentonan comercial. Pa 8pm lo presenta e pronostico pa 2015 door di Los Astros. Marcos Bislip Jr lo ta repasando cada mei ora e cambio di aña di diferente paisnan cu ta ricibi e aña nobo prome cu Aruba. Por sintonisa e Conteo di Fin di Aña via www.livestream.com/gfm999 o livestream.com/oldies999 y e number di telefoon pa manda saludo ta 5882534 y pa what’s app ta 5665207. Manera ta conoci, Conteo di Fin di Aña cu Roberto Geerman ya ta un tradicion arubano.