Patruyanan intensivo lo kontinua rondo di islanan ABC

ORANJESTAD - WardaCosta huntO ku Defensa lo continua cu patruyanan intensivo rondo di e islanan di Aruba, Boneiru y Corsou. E patruyanan amplio aki ta principalmente pa evita yegada di lanchanan cu personanan indocumenta na bordo cu por ta infecta cu e virus di COVID-19. Na momento cu e personanan aki yega e islanan sin ser controla, nan por forma un peliger pa habitantenan.

Ta conoci cu e lanchanan cu ta ser uza pa e biahenan mayoria biaha no ta ekipa pa haci e tipo di biahenan aki y ta hiba demasiado persona na bordo di un forma iresponsabel. E biahe for di Venezuela pa e islanan ABC ta uno peligroso pa motibo cu e laman por ta bruto. Tur e factornan menciona ta forma un riesgo enorme pa esnan na bordo. Den pasando, pero tambe recientemente famianan a perde nan sernan keri den accidente cu lancha. Wardacosta ta alerta personanan pa no cuminsa na e biahe peligroso aki?.

E sistema di radar hunto cu unidadnan aereo y di nabegacion di Wardacosta y Defensa lo sigui patruya pa asina tin grip riba e fronteranan maritimo. Tur e patruyanan di Metal Sharks lo ricibi sosten di milicianan di Caribe pa asina efectua vigilancia 24 ora pa dia durante 7 dia pa siman. Alabez e patruyanan ta vigila y proteha e fronteranan di transportenan di droga, traficacion di hende y di arma.